Onderstaande seleksie van my preke kom uit 'n vroeër era – enigiets van 10 tot 25 jaar gelede
Ontdek toe op 'n ou rekenaar honderde klankopnames van my preke uit vergange se dae (enigiets van 10 tot 25 jaar gelede). Ek luister toe sommer na die eerste een waarop my oë val. Dink toe ek moet dalk ván hulle algaande op my webwerf plaas.
NET 'N OPMERKING: Ek het destyds beswaarlik met meer as 'n enkele handgeskrewe A5 velletjie of twee skrapse notas voor my gepreek, of selfs heeltemal sonder notas. Deesdae is ek versigtiger. Ek preek nou met veel meer uitgebreide en gestruktureerde notas. Sou jy hierna luister, dink ek jy sal die verskil hoor.